.png)
.png)
Velkomin í hulduheiminn okkar
Þú hefur uppgötvað hulduheim Iddu
Hér bjóðum við þér að ferðast með okkur í gegnum sögur, goðsagnir og hefðir sem hafa mótað Sikiley.
Við bjuggum til þennan hulduheim fyrir þig – lítið rými þar sem þú getur uppgötvað áhugaverðar staðreyndir, sögur og fleira forvitnilegt.
Frá fornum sögum til hefða, frá eldgosum til staðbundinna sagna – Sikiley er full af óvæntum uppgötvunum.
Elsta og stærsta virka eldfjall Evrópu er hér
Hin stórbrotna Etna gnæfir yfir borginni Catania og er virkasta og hæsta eldfjall Evrópu eða um 3400 metrar.
Eldfjallið hefur mótað landslag Sikileyjar í þúsundir ára og er af mörgum íbúum eyjunnar talið heilagt tákn.
Frjósamur jarðvegurinn við Etnu, nærður af eldi jarðarinnar, gefur líf einum ríkustu vínekrum og ávaxtahéruðum Miðjarðarhafsins.
Sikiley státar af flestum stöðum á heimsminjaskrá UNESCO á Ítalíu!
Frá hinum forna dal hofanna í Agrigento til glitrandi mósaíkanna í dómkirkjunni í Monreale og hinna stórbrotnu síðbarokk borga Noto, Modica og Ragusa, er Sikiley sannkallað útisafn.
Hver krókur og kimi eyjarinnar segir sína sögu um liðna siðmenningu og býður upp á ótrúlega fegurð og tímalausa list.
Sikiley var eitt sinn hjarta hins forna heims
Föníkar, Grikkir, Rómverjar, Býsansmenn, Arabar, Normenn og Spánverjar — allir réðu yfir Sikiley á mismunandi tímum og skildu eftir sig brot af tungumálum sínum, menningu og byggingarlist.
Að ganga um götur sikileyskra borga er eins og að ferðast í gegnum aldir og heimsálfur. Þar standa arabískar hvelfingar og gotneskar dómkirkjur hlið við hlið og grísk hof rísa upp úr villtu blómahafi.
Tungumál Sikileyjar varðveitir enn orð frá forngrísku og arabísku
Sikileyska er ekki eingöngu mállýska heldur lifandi tungumál. Í þessu sérstæða tungumáli má finna áhrif frá grísku, arabísku, katalónsku og normönnsku (Normandí) og veitir innsýn í fjölbreytta sögu eyjarinnar.
Enn í dag eru til máltæki og orðtök á sikileysku sem eiga rætur sínar að rekja meira en þúsund ár aftur í tímann.
Fyrsta bókmenntamál Ítalíu varð til á Sikiley!
Á 13. öld, undir stjórn Friðriks II keisara, hófu skáld við hirð hans í Palermo að skrifa á fágaðri sikileyskri mállýsku — og sköpuðu þannig fyrstu skipulögðu útgáfuna af ítölsku sem notuð var í ljóðlist og bókmenntum.
Löngu áður en Toskana varð fræg fyrir Dante og aðra, var Sikiley þegar farin að móta það tungumál sem síðar yrði hjarta og rödd Ítalíu.
Normennirnir sem réðu yfir Sikiley voru upphaflega víkingar!
Hinir frægu normönsku riddarar sem lögðu Sikiley undir sig á 11. öld voru afkomendur víkinga sem höfðu sest að í Frakklandi nokkrum kynslóðum áður.
Þeir komu með styrk norðursins sem blandaðist menningu Miðjarðarhafsins og hjálpuðu þannig til við að skapa eitt auðugasta og fjölmenningarlegasta konungsríki miðalda Evrópu.
